د ملګرو ملتونو د ماشومانو وجهي صندوق یا یونېسف وایي، د هغو ۱۳ ملکي وګړو په اړه چې ډېری یې ماشومان دي او د نوروز په شپه په یوې هوایي حمله کې وژل شوي، سخته اندېښنه لري.
یونېسف پر خپله ټویټرپاڼه لیکلي چې د دغو کسانو وژل د بشر دوستۍ اصولو پر خلاف دي.
.@UNICEFAfg is deeply concerned about recent airstrikes during #Nowruz killing 13 civilians mostly #children. Such actions are against core humanitarian principles. #UNICEF continues 2 call on parties 2 the conflict 2 ensure the protection of all children. #ChildrenUnderAttack pic.twitter.com/FQFEDmZuYJ
— UNICEF Afghanistan (@UNICEFAfg) March 25, 2019
دغې ادارې په افغانستان کې د جګړې له ټولو ښکېلو خواوو غوښتي چې د ماشومانو خوندیتوب ته پاملرنه وکړي.
د ملګرو ملتونو سازمان ویلي چې د دوی لومړنۍ موندنې ښیي د جمعې په شپه په کندز ولایت کې د نړیوالو ځواکونو په هوایي بریدونو کې ۱۳ ملکي کسان ووژل شول چې ۱۰ تنهیې ماشومان وو.
خو په افغانستان کې د ناټو د غوڅ ملاتړ مأموریت یوه ویاند د یکشنبې په ورځ په یوه اېمېل کې ازادي راډیو ته ولیکل چې په کندز کې د ملکي تلفاتو د دې ادعا په اړه تحقیق کوي.