په ونزوئلا کې د حکومتي مامورینو لهخوا د اپوزیسون د مشر خوان ګواېدو یو نژدې همکار نیول شوی دی.
د امریکا متحدو ایالتونو خبرداری ورکړی چې دا ګام «به بې ځوابه پاتې نهشي.»
د امریکا د متحدو ایالتونو د ولسمشر ډونالډ ټرمپ امنیتي سلاکار جان بولټون د رابرټو ماریرو د سمدستي خوشې کېدو غوښتنه کړې ده.
بولټون پر خپل ټویټر ویلي:
"ماډورو بله لویه تېروتنه وکړه چې بې ځوابه به پاتې نهشي."
خوان ګواېدو د جنورۍ په میاشت خپل ځان د ونزوئلا مشر اعلان کړ او د۲۰۱۸ میلادي کال هغه انتخابات یې چل ول وباله چې ماډورو په کې بیا د ولسمشر په توګه ټاکل شوی و.
د امریکا متحده ایالاتونه او لسګونو لویدیځو هېوادونه خوان ګواېدو د ونزویلا د مشروع مشر په توګه په رسمیت پیژني.
خو ولسمشر نیکولاس ماډورو ګوایدو د امریکا ګوډاګی بولي.
نوموړي ویلي ګواېدو باید عدالت ته راښکل شي، خو په څرګنده یې د نوموړي د هغه نیولو امر نهدی کړی.
لوړ پوړو امریکايي چارواکو پرلهپسې ماډورو ته خبرداری ورکړی دی چې ګواېدو او د هغې د نژدې ملګرو سره دې کار نهلري.
روسیه، چین ایران، ترکیه او یو شمېر نور هېوادونه بیا په ونزوئلا کې د نیکولاس ماډرو ملاتړ کوي.