د افغانستان د سولې لپاره د امریکا د بهرنیو چارو وزارت ځانګړی استازی زلمی خلیلزاد وايي، د افغانستان د ۴۰ کلنې جګړې له پایته رسولو سره مرسته د امریکا تر ټولو مهم لومړیتوب دی.
ښاغلي خلیلزاد پرون مازیګر د نوروز په مناسبت پر ټویټر په یوه پیغام کې افغانانو ته د نوي کال د مبارکۍ ترڅنګ همدا راز لیکلي، دی هیله من دی چې نوی کال به افغانستان ته د سولې، پخلاینې او سوکالۍ پیغام راوړي.
#HappyNowruz to all who celebrate. I hope the new year brings peace, reconciliation, and prosperity to Afghanistan. America’s highest priority in #Afghanistan is to help find an end to 40 years of war.
— U.S. Special Representative Zalmay Khalilzad (@US4AfghanPeace) March 21, 2019
د امریکا د بهرنیو چار وزارت له دې مخکې په یوه خبرپاڼه کې ویلي و چې ښاغلی خلیلزاد به د پنجشنبې او جمعې په ورځو، د وري- حمل په لومړۍ او دوهمه د افغانستان لپاره د روسیې، چین او اروپايي ټولنې له ځانګړو استازو سره د افغانستان د سولې له بهیره د نړیوال ملاتړ په اړه په واشنګټن کې خبرې وکړي.