د میدان وردګ ولایت چارواکي وايي، د بېپیلوټه الوتکې په برید کې ۴ وسلهوال طالبان وژل شوي او يو ټپي دى.
د ولایت مقام د مطبوعاتو مسؤل محیبالله شریفزوى نن چهارشنبه ازادي راډيو ته وویل چې بهرنیو ځواکونو تېره شپه دغه وسلهوال د نرخ ولسوالۍ اړوند په کورکه سیمه کې په نښه کړي دي.
نوموړی وايي، دغو وسلهوالو د ملکي خلکو له موټره په استفادې وسلې لېږدولې چې بېپيلوټه الوتکې ورباندې حمله وکړه.
وسلهوالو طالبانو تر اوسه پهدې اړه څه نهدي ویلي.
خو د ميدان وردګ د ولایتي شورا غړي شريفالله هوتک بيا ويلي چې وژل شوي کسان ملکيان دي.