د افغانستان د ولسي جرګې د انتخاباتو په اړه د ازادي راډیو «زما رأیه، زما حق» ځانګړې خپرونو د دې اوونۍ پروګرام مو د ولسي جرګې د ځینو ولایتونو د انتخاباتو د وروستیو پایلو د ځنډ څرنګوالي ته ځانګړی کړی.
د ولسي جرګې له انتخاباتو شااوخوا څلور نیمې میاشتې اوړي، خو لا هم د کوچیانو او هندوانو د حوزو په ګډون د ۱۵ ولایتونو وروستۍ پایلې نهدي اعلان شوي.
د انتخاباتو خپلواک کمېسیون وايي چې د ځینو ولایتونو وروستۍ پایلې د انتخاباتي شکایتونو کمېسیون له لوري دوی ته نهدي سپارل شوي او له کابله پرته به د ۱۴ ولایتونو رأیې وروستۍ په راتلونکو څو ورځو کې اعلان کړي.
- دا چې وروستۍ پایلې ولې وځنډېدلې؟
- لاملیې څه و؟
- ایا په اعلان کې به شفافیت ته پام وشي او کهنه؟
دغه موضوع مو د افغانستان د ازادو او عادلانه انتخاباتو بنسټ یا فیفا له ویاندې مروه امیني او د حقوقپوهانو د ټولنې له ویاند شیرین خان حبیبي سره مطرح کړې، دغه پروګرام ته مو د انتخاباتو خپلواک کمېسیون غړي هم رابللي و، خو بحث ته څوک حاضر نهشول.
دغه پروګرام رحمتالله افغان چمتو کړی چې د لاندې لېنک په کېکاږلو سرهیې اورېدلی شئ:
Your browser doesn’t support HTML5
زما رایه رما حق