د اوکراین ولسمشر د ملګرو ملتونو له سرمنشي غوښتي دي چې پر هغو لارو چارو غور وکړي چې له مخې یې د اوکراین ختیځ ته ملګري ملتونه سولهساتي ځواکونه استوي.
پترو پروشنکو پرون د ملګرو ملتونو عمومي غونډې ته وویل، دی د ملګرو ملتونو د سولهساتي ځواکونو د لېږلو په برخه کې خبرو ته چمتو دی، څو په اوکراین کې د ده په وینا د روسیې د مداخلې مخه ونیسي.
روسیې د ۲۰۱۴ میلادي کال په مارچ میاشت کې د کریمیا ټاپو وزمه له خپلې خاورې سره یوځای کړه او د اوکراین په ختیځ کې د بېلتون غوښتونکو ملاتړ کوي.
د ۲۰۱۴ میلادی کال د اپرېل له میاشتې را پهدې خوا د اوکرایني ځواکونو او بېلتون غوښتونکو ترمنځ په جګړو کې شااوخوا ۱۰ زره او درې سوه تنه وژل شوي دي.
کیف غواړي چې د ملګرو ملتونو سولهساتي ځواکونه د اوکراین او روسیې پر پوله ځای پر ځای شي.
روسیې ویلي دي چې له دې سره موافقه کوي چې محدود شمېر سولهساتي ځواکونه د اوکراین ختیځ ته واستول شي.