د پکتیا ولایت پولیسو سلګونه کېلو ګرامه چرس کشف او نیولي دي.
د پکتیا د امنيه قوماندان جنرال راز محمد مندوزي نن ازادي راډیو ته وویل چې له جنايي جرمونو سره د مبارزې د ادارې منسوبینو ۵۸۹ کېلو ګرامه چرس پرون په احمد ابا ولسوالۍ کې نیولي دي.
د جنرال مندوزي په خبره د دې قضيې په تړاو څوک نهدي نیول شوي.
د پکتیا پولیسو دوه اوونۍ وړاندې په سید کرم ولسوالۍ کې د څه د پاسه زر کېلو ګرامه چرسو د نیولو خبر ورکړی و.