د فراه ولایت سلګونو اوسېدونکو د بین الافغاني خبرو اترو د پیل غوښتنه وکړه.
دغو کسانو د دوشنبې په ورځ د لاریون پر مهال له وسله والو طالبانو وغوښتل چې له افغان حکومت سره د سولې مخامخ خبرې وکړي.
منشي حبیب یو له دغو لاریون کوونکو دی.
ده وویل:
"د طالبانو ډله دې د افغانستان له دولت سره مخامخ خبرې پیل او خپل وړاندیزونه دې د مذاکراتو پر مېز مطرح کړي."
وسله والو طالبانو تر اوسه د افغانستان له حکومت سره د مخامخ خبرو په اړه وړاندیزونه نه دي منلي.