د افغانستان ملي اردو وايي، د یکشنبې له ورځې راهېسې یې په کندهار او زابل کې ۱۹ وسله والو ته مرګ ژوبله اړولې ده.
په کندهار کې د ۲۰۵ میوند قل اردو ویاند احمد صادق عیسی وايي، د کندهار په ميوند ولسوالۍ کې د ملي اردو د ځواکونو په عملياتو کې ۳ وسله وال وژل شوي او ۶ نور ټپيان دي.
ښاغلي عیسی همدارنګه وویل چې د زابل په ارغنداب ولسوالۍ کې هم د ملي اردو د ځمکنیو ځواکونو په بريدونو کې ۷ وسله وال وژل شوي او ۳ نور ژوبل دي.
د ۲۰۵ اتل قول اردو د ویاند په خبره، په ترسره شوو عملياتو کې د وسله والو يو شمېر پټنځايونه او وسلې هم له منځه وړل شوي دي.
طالب وسله والو تر اوسه په دې اړه رسنیو ته څه نه دي ویلي.