له کندزه په راپورونو کې ویل شوي چې دغلته د طالبانو په یو کمین کې څلور تنه افغان پولیس وژل شوي دي.
د کندز د ولایتي شورا مرستیال صفي الله امیري د شنبې په ورځ ازادي راډیو ته وویل، وسله والو طالبانو د سهار د اوو بجو په شااوخوا کې د کندز ښار اړوند چله مزار په سیمه کې د پولیسو پر یو موټر برید کړی او څلور تنه ملي پولیس یې وژلي دي.
سیمه ییزې سرچینې هم وايي چې د طالبانو په کمین کې پولیسو ته مرګ ژوبله اوښتې.
خو د کندز امنیې قوماندانۍ د پېښې په اړه څه نه وايي.