د کډوالۍ نړیوال سازمان وايي، په ۲۰۱۸ میلادي کال کې له ایران څخه خپل هېواد ته د افغان کډوالو ستنېدل بېسابقې وو.
د دې ادارې په وینا په تېر یوه کال کې نږدې ۸۰۰ زره افغانانو ایران په خپله خوښه پرېښې او یا ترې په اجباري توګه ایستل شوي دي.
د کډوالۍ په نړیوال سازمان کې د افغانستان د پروګرام مسؤل لورانس هارټ وايي، په ۲۰۱۸ میلادي کال کې افغانستان ته ستنو شویو کډوالو شمېر د ۲۰۱۷ میلادي کال په مقایسه په سلو کې ۶۶ زیات دی.
لورانس هارټ زیاته کړه:
"پهداسې حال کې چې افغانانو په ګاونډیو هېوادونو کې کاري تشې ډکولې، د ایران په شمول ځینو دې هېوادونو اقتصادي وضعیت داسې شو چې نور پهکې کار کولو د ډېرو افغانانو لپاره ګټه نهدرلوده."
د دې ادارې د شمېرو له مخې په ۲۰۱۸ میلادي کال کې له ایران څخه خپل هېواد ته د ستنو شویو افغانانو شمېر ۷۷۳ زره او ۱۲۵ تنو ته رسېږي.
له پاکستان څخه بیا په همدې موده کې یوازې ۳۳ زره افغانان خپل هېواد ته ستانه شوي دي.