د افغانستان په شمال کې ۲۰۹ شاهین قول اردو وايي، افغان امنیتي ځواکونو پرون په فاریاب ولایت کې د دوه ایراني وګړو په ګډون ۲۹ وسلهوال طالبان وژلي دي.
شاهین قول اردو رسنیو ته په استول شوي بیان کې ویلي چې امنیتي ځواکونو دا هوايي او ځمکني بریدونه د فاریاب د شیرین تګاب او خواجه سبز پوش ولسوالیو ترمنځ سیمو کې کړي دي.
په بیان کې ویل شوي چې په وژل شویو کې د طالبانو دوه قوماندان هم شامل دي.
۲۰۹ شاهین قول اردو وايي، پهدې عملیاتو کې ۴ افغان سرتېري ژوبل شوي او ملکیانو ته د سر او مال زیان نهدی رسېدلی.
د دولت وسلهوالو مخالفانو تر دې دمه د فاریاب د پرونیو عملیاتو په اړه څه نهدي ویلي.