په فراه کې امنیتي چارواکي وايي چې د وسلهوالو طالبانو دوه لوی قوماندانان وژل شوي دي.
د فراه د امنیه قوماندانۍ ویاند محبالله محب نن د ډسمبر ۲۷مه، له ازادي راډیو سره په مرکه کې وویل چې د شینډنډ او خاک سفید ولسوالیو لپاره د وسلهوالو طالبانو د عملیاتو مشران د بېبېلوټه الوتکو یا ډرون په حملو کې وژل شوي دي.
محب وویل چې په یوه میاشت کې په ټوله فراه کې داسې ۵۰ حملې شوي چې ګڼ شمېر وسلهوال پهکې وژل شوي دي.
وسلهوالو طالبانو په دې اړه څه نهدي ویلي.