په کونړ کې چارواکي وايي، د اسمار په ولسوالۍ کې د یو ماین چاودنې یو ملکي کس وژلی او دوه نور یې ټپیان کړي دي.
د کونړ د امنیه قوماندانۍ ویاند فریدالله دهقان د جمعې په سهار ازادي راډیو ته وویل تېر مازیګر ۴بجې د اسمار ولسوالۍ اړوند د بانډو چم ساحه کې په سړک کې د ايښودل شوي یو ماین چاودنې لږ تر لږه یو ملکي کس وواژه او دوه نور یې ټپیان کړل.
تراوسه پورې دا نه ده څرګنده چې په سړک کې دا ماین چا ايښی و؟
خو ډېر کله د حکومت مخالف وسلهوال، د امنیتي ځواکونو د هدف ګرځولو لپاره په لارو کې ماینونه خښوي چې وخت ناوخت پرې د ولسي خلکو موټر برابریږي.