د افغانستان د دفاع وزارت وايي، د جمعې د ورځې راهیسې یې په بېلابېلو عملیاتو کې ۵۸ وسله وال وژلي او ۱۳ نور یې ټپیان کړي دي.
دفاع وزارت نن سهار په یوې خپرې کړې خبرپاڼې کې ویلي، دا عملیات چې د هوایي ځواکونو په ملاتړ ترسره شوي، په ترڅ کې یې د غزني ولایت د جاغوریو او اندړو په ولسوالیو کې ۱۹ تنه ترهګر وژل شوي.
دفاع وزارت د هلمند ولایت د کجکي، مارجې، نهر سراج او نادعلي په ولسوالیو کې هم د ۱۲ وسله والو د وژل کېدو ادعا کړې.
په خبرپاڼه کې همدارنګه د کاپیسا، ننګرهار، میدان وردګ، پکتیا، پکتیکا، کندهار، زابل، فراه، فاریاب، غور او نیمروز ولایتونو کې هم وسله والو ډلو ته د مرګ ژوبلې د اوښتو ادعا شوې.
وسله والو طالبانو په دې اړه کومه تبصره نه ده کړې.