د پاکستان حکومت د امریکا د ولسمشر د وروستیو خبرو په وړاندې په غبرګون کې نن سې شنبه د نومبر ۲۰مه، په اسلاماباد کې د امریکا د سفارت شارژدافیر، پاول جونز وراحضار کړ.
د پاکستان د بهرنیو چارو وزارت نن په یوه بیان کې ویلي چې د اسامه بن لادن د وژل کېدو او له ترورېزم سره په مبارزه کې د خپل رول په اړه د ډونالد ټرمپ له وروستیو خبرو سره خپل اعتراضیې پاول جونز ته سپارلی دی.
داسې ګڼل کېږي چې له دې سره به د امریکا او پاکستان په سیاسي اړیکو کې کړکېچ لازیات شي.
د پاکستان د بهرنیو چارو وزارت ویلي چې د ډونالد ټرمپ د غیر مؤجه او غیر مؤثقو تورونو پر ضد یې خپل شدید اعتراض څرګند کړی دی.