سعودي عربستان په کابل کې پرونۍ ځانوژونکې حمله چې لږ تر لږه ۶ تنه پهکې ووژل شول، په سختو ټکو وغندله.
د دې هېواد د بهرنیو چارو وزارت په یوه بیان کې دا ډول بېرحمانه اعمال په کلکه غندلي او قربانیانو او د هغوی کورنۍ تهیې د خواخوږۍ تر څنګ د ترهګرۍ په وړاندې مبازره کې د افغانستان له حکومت سره خپل کلک پیوستون څرګند کړی دی.
د افغانستان د کورنیو چارو وزارت ویاند نجیب دانش ویلي چې پهدې حمله کې چې مسؤلیتیې د اسلامي دولت ډلې یا داعش په غاړه اخیستی، ۲۰ تنه نور ټپیان شوي دي.
دغه حمله د لسګونه معترضانو د راټولېدو ځای ته نږدې شوې ده.
اعتراض کوونکو د غزني په مالستان او جاغوري او د ارزګان په خاص ارزګان ولسوالیو کې د وسلهوالو طالبانو د حملو په وړاندې راټول شوي وو.
داعش پهدې وروستیو کې په کابل کې د ډېرو حملو مسؤلیت په غاړه اخیستی دی.