په غزې تراړه کې په تازه تاوتریخوالي کې پرون یکشنبه یو اسرائیلی او ۷ فلسطینیان وژل شوي دي.
د اسرائیل پوځ ویلي دي چې د دوی یو سرتېری پرون د غزې په جنوب ختیځ کې له فلسطینیانو سره په نښته کې وژل شوی او یو بل ټپي دی.
فلسطیني مقاماتو ویلي دي چې په پرونیو شخړو کې د حماس ډلې د پوځي څانګې عزالدین القسام د یوه قوماندان په ګډون ۷ فلسطینیان هم وژل شوي دي.
په همدې حال کې راپورونه وايي چې حماس او اسرائیل د یوه غیر رسمي اوربند په اړه په خبرو کې پرمختګ کړی دی.
د اسرائیل حکومت تېره اوونۍ قطر ته اجازه ورکړه چې حماس ډلې ته ۱۵ میلیونه ډالر انتقال کړي او په بدل کې حماس په غزې تراړه کې د څو اوونیو راهیسې روانې مظاهرې کمې کړي.
خو د اسرائیلي ځواکونو او د حماس د جنګیالیو ترمنځ د پرونۍ نښتې سبب معلوم نهدی.