د ننګرهار پولیسو تر سلو کیلو ګرامو ډېر نشهيي مواد نیولي دي.
د ننګرهار ولایت له نشه يي موادو سره د مبارزې مدیر خالد عمر وايي، د نشه يي موادو یو قاچاق کوونکی په داسې حال کې نيولی چې غوښتل یې ۱۰۹کیلو ګرامه چرس په یوه موټر کې له سروخ رود ولسوالۍ څخه د جلال اباد ښار ته قاچاق کړي.
په دوهمه پېښه کې پولیسو په بهسودو ولسوالۍ کې ۵۰ کیلو او پنځه سوه ګرامه چرس په یوه موټر کې د تلاشۍ پر مهال ونیول او په دې تور یې یو تن هم نیولی دی.