ټاکل شوې چې نن به د پاکستان څخه د افغان کډوالو د اجباري ایستلو د مخنیوي لپاره د افغان او پاکستاني چارواکو ترمنځ مذاکرات پیل شي.
په اسلاماباد کې پهدې بحثونو کې هڅه کېږي څو په پاکستان کې تر یو میلیون څخه د زیاتو افغان کډوالو د ستونزې د دایمي حل لارې چارې ولټول شي.
د افغانستان د کډوالو او راستنېدونکو چارو وزارت ویاند اسلامالدین جرأت ازادي راډیو ته وویل، د یو شمېر افغانانو لهخوا د پاکستان د تابعیت د ترلاسه کولو بحث په دې غونډه کې نهکېږي.
تر دې مخکې د پاکستان صدراعظم عمران خان د سپټمبر په میاشت کې ویلي و، غواړي یو شمېر هغو افغانانو چې بچیانیې په پاکستان کې د مهاجرت پر مهال زېږېدلي او لوی شوي وي د پاکستان تابعیت ورکړي.
دا مهال په پاکستان کې تر دوه نیمو میلیونو زیات افغان کډوال اوسېږي چې تر یو میلیون زیاتیې پهدې هېواد کې د استوګنې قانوني اسناد نهلري.
د اسلاماباد نننۍ خبرې اترې به تر ډېره د همدې افغان کډوالو د برخلیک په اړه وي چې اسناد نهلري.