له نشه يي موادو سره د مبارزې پولیسو په تېره یوه اوونۍ کې تر ۶۰ ډېر عملیات کړي دي.
د کورنیو چارو وزارت له نشه يي موادو سره د مبارزې معینیت ویاند اسدالله یادګاري ازادي راډیو ته وویل، له نشه يي موادو سره د مبارزې پولیسو د هېواد په شلو ولایتونو کې د (۶۳) عملیاتو په ترڅ کې (۵۶۲) کیلو ګرامه نشه يي مواد نیولي دي.
د یادګاري په خبره، د نشه يي موادو د قاچاق په تور (۷۴) کسان نیول شوي او تر لومړنیو څېړنو وروسته عدلي او قضايي مرکز ته لېږل شوي دي.
د یادونې وړ ده چې په نیول شویو کسانو کې یو پاکستانی هم شامل دی.