د ارمنستان د انتخاباتو مقدماتي نتایج ښيي چې د صدراعظم نیکول پاشینیان ائتلاف د دې هېواد د ښاروالۍ په انتخاباتو کې لوی اکثریت خپل کړی دی.
د دې هېواد د انتخاباتو مرکزي کمیسيون وايي، د پاشینیان په مشرۍ "زما ګام" په نوم اتحاد په سلو کې ۸۱ رأیې ګټلې دي.
په دې ترتیب دې اېتلاف له کافي اندازې زیاتې رأيې تر لاسه کړي، څو خپل نوماند هایک ماروتیان چې یو هنرمند دی، د ارمنستان د پایتخت د ښاروال په توګه وټاکي.
د "بسیا ارمنستان" ګوند چې د ګاجیک ساروکیان په نوم یو سوداګر یې مشري کوي، بیا په سلو کې د ۷ رأیو په خپلولو دوهم ځای خپل کړی دی.
په دې انتخاباتو کې نهو کسانو نورو هم برخه اخیستې چې ډېرې کمې رأیې یې ترلاسه کړې دي.