د ارزګان د ولایتي روغتون مسوولین وايي، په ترینکوټ ښار کې ترافیکي پېښې له کبله یو ماشوم وژل شوی او یوه ماشومه نجلۍ او یو د پاخه عمر سړی پهکې ټپیان شوي دي.
عیني شاهدانو ازادي راډیو ته ویلي چې ترافیکې پېښه د عامه نظم د پولیسو د هاموې ټانک او یو ملکي موټر د ټکر په ترڅ کې رامنځته شوې ده.
د ارزګان امنیه قوماندانۍ پهدې اړه له څه ویلو ډډه کړې، خو د ولایتي روغتون مشر ډاکټر امین الله توخي ازادي راډيو ته وویل چې دغه کسان يې نن سهار ۱۰ بجې د ترینکوټ ښاره روغتون ته ور وړي دي.
په ارزګان کې په ځانګړي توګه مرکز ترینکوټ کې په وروستیو کې ترافیکې پېښې زیاتې شوي چې وخت ناوخت په کې د امنیتي ځواکونو موټر ښکېل وي.