ایران د فرانسې پولیس تورن کړي چې د دغه هېواد په پلازمېنه کې د ایران پر سفارت برید ته یې ژر ځواب نهدی ویلی.
د ایران د بهرنیو چارو وزارت یوه ویاند د سېپټمبر پر ۱۵مه تأیید کړه چې تر دې یوه ورځ دمخه دا برید شوی او یو شمېر کسان پهدې تړاو نیول شوي دي.
بهرام قاسمي ایرنا خبري اژانس ته ویلي:
"د فرانسې حکومت باید په هغه هېواد کې د ایراني ډیپلوماټانو د خوندیتوب لپاره ټول اړین اقدامات کړي وایي، خو له بدهمرغه، سره لهدې چې برید کوونکي د یوه تروریستي سازمان غړي وو، د فرانسې پولیس پر وخت د پېښې سیمې ته ونه رسېدل."
نوموړي ویلي، شاوخوا ۱۵ کُردي فعالانو په پاریس کې د ایران سفارت مخې ته د ایران بیرغونه سوځولي او د سفارت ښیښې یې په ډبرو ماتې کړي دي.
رویټرز خبري اژانس راپور ورکړی چې د فرانسې پولیسو پهدې سفارت کې پېښه منلې ده، خو د خپل ځواب د چټکوالي په اړهیې له څه ویلو ډډه کړې ده.
ایران فرانسه تورنوي چې د ایران د هغو مخالفو ډلو پلوي کوي چې پهدغه هېواد کې د اسلامي جمهوریت د ړنګولو په لټه کړي.