د افغانستان دفاع وزارت وايي، د بغلان ولایت په مرکزي بغلان او د میدان وردګو ولایت په دایمیرداد ولسوالیو کې د مخالفینو پر ضد هوایي عملیات شوي دي.
د دفاع وزارت ویاند غفور احمد جاوید ازادي راډیو ته ومنله چې په مرکزي بغلان کې سرتېرو ته مرګژوبله اوښتې، خو وضعیت بېرته تر کنټرول لاندې راغلی.
دی وايي:
"د بغلان ولایت په مرکزي بغلان سیمه کې ترورېستانو زموږ په یو شمېر پوستو بریدونه کړي وو چې په پایله کې یې زموږ یوه پوسته تخلیه شوې وه. هلته موږ مرګژوبله لرو چې زموږ د ملي اردو اته تنه ټپیان دي او پنځه تنه شهیدان شوي دي، خو سیمې ته هوايي ځواکونه د مرستې لپاره رسېدلي او ځمکني ځواکونه هم شته. وضعیت هلته اوس زموږ په کنټرول کې دی."
ښاغلي جاوید دا هم وویل چې د میدان وردګ ولایت په دایمیرداد کې هم افغان هوايي ځواکونو بریدونه کړي او مخالفینیې په شا کړي دي.
وسلهوالو مخالفینو په بغلان او میدان وردګو ولایتونو کې د افغان پوځیانو پر پوستو باندې د شنبې په ماښام بریدونه پیل کړي وو.