ایراني محاکمو د صوفي طریقې څه د پاسه ۲۰۰ پالونکي د مختلفو مودو په بند محکوم کړي دي.
دا په تېرو څلورو میاشتو کې د یوه مذهبي اقلیت پر ضد د ایراني چارواکو تر ټولو ځپونکی اقدام بلل کېږي.
د بشري حقونو نړیوال سازمان نن په یوه بیان کې ویلي دي چې له تېرې مې میاشت راهیسې د ایراني مقاماتو لهخوا د ۲۰۸ صوفیانو زنداني کول یو ځل بیا دا ښکاره کوي چې ایراني چارواکي په ځانګړي ډول د دې هېواد امنیتي ادارې څرنګه خپل خلک ځوروي.
که څه هم صوفي طریقه په ایران کې منع او غیر قانوني ګرځول شوې، خو د بشري حقونو ډلې وايي چې ایراني چارواکي د دې طریقې د پالونکو پر وړاندې تبعیض او سخت چلند کوي.