د ایران ستر مذهبي مشر ایاتالله خامنهاي وایي، په هېواد کې اقتصادي ستونزې د امریکا د فشارونو نه، بلکې تر ډېره د داخلي ناسم مدیریت نتیجه ده.
د ایران دولتي ټلوېزیون د خامنهاي له قوله خبر ورکړی چې ویلي یې دي، د امریکا د بندیزونو په نسبت د اقتصادي وضعیت ناسم مدیریت د ایران پر عادي وګړو فشارونه زیات کړي دي.
خامنهاي دغهراز ویلي چې د ښه مدیریت کولو او پلانولو له لارې کولای شو چې د بندیزونو په وړاندې ودرېږو او پر هغو برلاسي شو.
له کله چې د امریکا متحده ایالات د نړۍ له قدرتونو سره د ایران د ۲۰۱۵ میلادي کال له اټمي تړونه وتلی او پر تهرانیې بندیزونه بېرته لګولي، د ایران پیسې ریال خپل ارزښت ډېر له لاسه ورکړی دی.
په ایران کې د ناوړه اقتصادي وضعیت په وړاندې په وروستیو کې د تهران په ګډون د دې هېواد په څو ښارونو کې خلکو اعتراضیه مظاهرې وکړې.