د افغانستان د کرکټ ملي لوبډلې د ایرلنډ پر وړاندې د لوبو لپاره تمرینات پیل کړل.
دا تمرینات د کرکټ د ملي لوبډلې د روزونکو په شتون کې نن پنجشنبې په انګلستان کې پیل شول او ټاکل شوې چې د اګسټ د میاشتې تر ۱۷مې نېټې پورې دوام وکړي.
د کرکټ ملي لوبډله د تېرې شنبې په ورځ له ایرلنډ سره د درې نړیوالو۲۰ اوورېزو او درې ۵۰ اوورېزو لوبو وړاندې د تمریناتي کمپ په هدف انګلستان ته ولاړه.
ملي لوبغاړي به د انګلستان په تمریناتي کمپ کې له برخې اخېستلو وروسته د اګسټ ۱۷مه ایرلنډ هېواد ته ولاړه شي.
د افغانستان او ایرلنډ تر منځ د سیالیو لړۍ د روانې اګست میاشتې له ۲۰ نیټې د ایرلېنډ په کوربه توب په هغه هیواد کې پیلیږي.