د افغانستان دفاع وزارت وایي، په جوزجان ولایت کې د داعش په ځپل کېدو سره دا ډله نور د افغانستان شمالي ولایتونو ته ستر ګواښ نهدی او دغه پرمختګ افغان امنیتي ځواکونو ته د دې امکان برابروي چې د داعش او نورو د دولت ضد مخالفو ډلو په وړاندې په نورو ولایتونو ډېر تمرکز وکړي.
د دفاع وزارت د ویاند د دفتر سرپرست جنرال محمد رادمنش ازادي راډیو ته وویل:
"فکر کوم چې داعش نور په شمال کې داسې ډلې نهلري چې هغه دې په سیمه کې د حکومت او خلکو لپاره ګواښ وي. پهدې اساس اوس موږ خپل ډېر ځواکونه په ننګرهار کونړ او نورستان او نورو هغو سیمو متمرکز وو چې یو شمېر ترهګرې ډلې پهکې حکومت او خلک له ګواښ سره مخامخ کوي."
د جوزجان په درزاب ولسوالۍ کې د داعش اصلي مرکز وسلهوالو طالبانو د پراخو حملو او نښتو په نتیجه کې لهمنځه یووړ او د دې ډلې په سلګونو کسان طالبانو او حکومت ته تسلیم شول.
د جوزجان امنیتي چارواکي وایي، د داعش تسلیم شوي قوماندانان او غړي یې د ترسره کړو جنایتونو پهخاطر عدلي او قضایي ارګانونو ته ورپېژندل کېږي.