- دې هېل
په افغانستان کې سولې ته د لاسرسي په خاطر بايد د شمالي کوریا تجربو ته مراجعه وشي.
دا د دې هېل مجلې د يوې مقالې عنوان دی.
د ليکوال په باور، د امريکا د ولسمشر ډونالد ټرمپ د ادارې تمايل چې غير عادي خطرونه مني، ښايي په کوريا ټاپو وزمه کې يې د سولې لپاره تر ټولو ښه فرصت رامنځته کړی وي.
په مقاله کې راغلي چې پوښتنه دا ده چې دا ډیپلوماتيک چلند بل په کوم ځای کې اغېزمن ثابتېدای شي؟
د ليکوال په باور افغانستان یو مهم مستحق دی.
خو ولې؟
ليکوال په ځواب کې ليکي، د شمالي کوريا او افغانستان ستونزه ورتهوالی لري.
د ليکوال په باور، هره يوه داسې جګړه ده چې نوره پر خپل حال پاتې ده، خو په نظامي لاره نهشي حل کېدای.
- جېنز ډېفنس
جېنز ډېفنس خپرونې په خپله اخري ګڼه کې په افغانستان کې پر سخت دريځو د زیاتو شویو فشارونو په اړه لیکلي دي.
دې هېل: داسې جګړه چې نوره پر خپل حال پاتې ده، په نظامي لاره نهشي حل کېدای.
مقاله په افغانستان کې د ناټو په مشرۍ د غوڅ ملاتړ مأموریت له قوله ليکي چې افغان او نړيوالو ځواکونو د طالبانو، داعش او نورو سخت دريځو ډلو پر وړاندې وروسته له هغه فشارونه زیات کړي چې د چنګاښ مياشتې په نهمه نېټه د افغان حکومت لهخوا غځېدلی اوربند پای ته ورسېد او د افغان او نړیوالو ځواکونو تهاجمي عملیات پيل شول.
د تېرې شنبې تر ورځې پورې افغان ځواکونو تر نږدی ۱۰۰ عمليات پر مخ وړي چې په نتيجه کې يې شااوخوا ۱۷۰۰ سخت دريځو ته مرګ ژوبله اوښتې ده.
مقالې د غوڅ ملاتړ مأموريت له قوله دا هم لیکلي چې په دغو عملیاتو کې د طالبانو د ځانګړو عملیاتو دوه قوماندانان، د القاعده یو مالي مرسته کوونکی، یو د داعش ډلې قوماندان او د طالبانو د لوړې او منځنۍ کچې مشران وژل شوي.
افغان او نړيوالو ځواکونو د طالبانو، داعش او نورو سخت دريځو ډلو پر وړاندي فشارونه زیات کړي
- د خبريالانو د ژغورنې کمېټه
د خبريالانو د ژغورنې کمېټې په کابل کې د یکشنبې په ورځې د ځانمرګي برید په اړه پر خپله وېبپاڼه ليکلي چې د فرانسې خبري اژانس یو موټر چلوونکی هم له هغو ۲۳ کسانو څخه وو چې په هغه حمله کې ووژل شول.
مقالې د خبريالانو د خونديتوب کمېټې د مرستيال رئیس رابرټ ماهوني له قوله ليکلي چې د رسنيو موټر چلوونکي د خبرونو راټولو په برخه کې مهم رول لوبوي او د اختر محمد مړينه د رسنیو د کورنۍ لپاره يوه ضايعه ده.
د فرانسې خبري اژانس یو موټر چلوونکی هم له هغو ۲۳ کسانو څخه وو چې په حمله کې ووژل شول
داعش ډلې د هغې حملې مسئوليت ومانه چې د افغان ولسمشر لومړی مرستيال عبدالرشید دوستميې هدف وو.
عبدالرشيد دوستم تر یو کال زیاته موده وروسته له تبعيده افغانستان ته بېرته د یکشنبې په ورځ ستون شو او د هوايي ډګر مخ ته دا حمله رامنځته شوه.