کُردي امنیتي ځواکونو هغه وسلهوال وژلي چې د اربیل په ښار کې پر حکومتي ودانیو برید کړی و او دغلتهیې محاصره پای ته رسولې ده.
عراقي رسنیو ویلي دي، درې واړه بریدګر وژل شوي دي.
پرون دوشنبه سهار هغه مهال د وسلهوالو کسانو او ځايي امنیتي مأمورینو ترمنځ جګړه ونښته چې بریدګرو په اربیل کې د کُردستان د سیمهییز حکومت پر ودانۍ برید وکړ.
ویل کېږي چې لږ تر لږه یو بریدګر د ودانۍ دننه ځان وژونکی برید کړی دی.
نورو وسلهوالو په ودانۍ کې خلک یرغمل نیولي وو.
راپورونه وايي چې یو یرغمل شوی سخت ټپي دی.
تر اوسه هېڅ ډلې د دې برید مسؤلیت نهدی منلی، خو کُردي چارواکو شک څرګند کړی چې ښايي بریدګر د داعش له وسلهوالې ډلې سره تړاو ولري.