د کندهار د کرنې او مالدارۍ ریاست مسؤلین وايي چې په دې ولایت کې د شاتو تولید زیات شوی دی.
د دې ریاست د ترویج مدیر محمدالله نوري وايي چې په وروستیو څلورو کلونو کې په دې ولایت کې د شاتو د مچیو ۵۲ فارمونه جوړ شوي چې له املهيې هر کال زرګونه کیلو شات تولیدېږي.
د ښاغلي نوري په وینا، د روان کال له پیله تر دې دمه ۱۸ زره کیلو شات تولید شوي او تمه ده چې دا تولید د کال تر پای ۶۰ زره کېلو ګرامو ته ورسېږي.
ویل کېږي چې په دې ولایت کې نږدې ۱۵۰ سوداګر د شاتو د مچیو په روزنه بوخت دي.
په همدې حال کې په دې ولایت کې یو شمېر شات پلورونکو ویلي چې په کندهار کې شات ښه بازار لري چې د نورو ولایتونو تر څنګ یو شمېر هېوادونو ته هم صادرېږي.