له طبیعي افتونو سره د مبارزې په برخه کې د افغانستان د دولت مرستیال وزیر، محمد اسلم سیاس پرون جمعه ازادي راډیو ته وویل چې شپږ تنه چې دوې ښځې او څلور نارینه دي، لادرکه شوي او تر اوسه یې څرک نه دی موندل شوی او جسدونه هم په لاس نه دي راغلي.
نوموړي زیاته کړه:
"زموږ وروستي معلومات دا دي چې سېل دوه مسافر وړونکي موټر هم ورسره وړي دي."
د پنجشنبې په شپه د پنجشنېر په خنج ولسوالۍ کې د سېل او غره د ښوېدو له امله لږترلږه پینځه سوه کورونه تخریب شول.
سیاس وویل چې له مصیبت ځپلو کورنیو سره بېړنۍ مرستې هم شوې دي.