د هالنډ د استخباراتو ادارې د ایران د سفارت دوه کارکونکي ایستلي دي.
د هالنډ د استخباراتو ادارې پرون جمعه د فرانسې خبري اژانس ته ویلي چې په هاګ ښار کې د ایران د سفارت دوه کارکونکي ایستل شوي، خو نور جزئیات یې نه دي ورکړي.
د هالنډ د بهرنیو چارو وزارت په دې اړه له خبرو ډډه کړې ده.
خو یوه لوړ رتبه ایراني چارواکي د رویټرز خبري اژانس ته ویلي چې "د دښمن له لوري، داسې ټول حرکتونه زموږد دښمن دمضرانه" هڅو برخه ده چې د اټمي موافقې د تخریب لپاره یې کوي.
د ایران او پنځو قدرتونو چې په ۲۰۱۵مېلادي کال کې يې موافقه لاسلیک کړه، د بهرنیو چارو وزیرانو پرون په ویانا کې سره وکتل.
له موافقې د امریکا د متحدو ایالاتو تر وتلو وروسته، نورو غړو هېوادونو د موافقې د خوندي ساتلو هڅې پېل کړې دي.
د اروپايي اتحادیې د بهرني سیاست مشرې، فدریکا موګرېني ویلي چې ټولو خواوو موافقه کړې چې د دې موافقې د خوندي ساتلو لپاره هڅې جاري وساتي.
په پرونۍ کتنه کې هم د کوم ستر پرمختګ خبر نه دی ورکړل شوی.