د فوټبال د ٢٠١٨میلادي کال د نړیوال جام په سیالیو کې نن د اتو هېوادونو ترمنځ څلور مسابقې په پام کې دي.
د افغانستان پر وخت د مازيګر شپږ نيمې بجې سعودي عربستان او مصر د مسابقې ډګر ته وځي.
بله مسابقه په عين وخت کې د يوروګواى او روسيې ترمنځ کېږي.
درېيمه مسابقه د شپې پر لس نيمو بجو د ايران او پرتګال او څلورمه مسابقه پر همدې وخت د هسپانيا او مراکش ترمنځ کېږي.
پرون درې مسابقې وشوې.
انګلستان شپږ د يو په وړاندې پانامه ته ماتې ورکړه، ورپسې مسابقه چې د جاپان او سنګال ترمنځ وه، دوه د دوو په وړاندې مساوي پاى ته ورسېده.
درېيمه مسابقه د پولنډ او کلمبيا ترمنځ وشوه چې کلمبيا وتوانېدله درې د صفر په وړاندې پولنډ ته ماتې ورکړي.