په کونړ کې معلولې او کونډې ښځې وايي چې تر اوسه ورسره هېڅ مرسته نه ده شوې.
د دوی په خبره چې کومې مرستې چې د دوی په نوم کونړ ته ورځي نو دوی ته نه، بلکې د واسطو خاوندانو ته ورکول کېږي.
دغه ښځې چې په روان جنګ کې يې یا خپل اندامونه او یايې هم خپل خاوندان له لاسه ورکړي، وایي چې ډېر بد اقتصادې وضعیت کې ژوند کوي.
دوی له افغان حکومت، سوداګرو او مرستندویو بنسټونو غواړې چې مرستې ورسره وکړي.
اخوا د کونړ د ټولنیزو چارو رئیس مولوي عطاالله نوري ازادي راډیو ته وویل، دوی یو شمېر معلولو ښځو ته او په جنګونو کې د وژل شویو کسانو کونډو ته کتابچې جوړې کړي او هر کال ورته ۶۰۰۰۰ افغانۍ ورکول کېږي او ددې ترڅنګ مجبورو، معلولو، کونډو او یتیمانو ماشومانو سره هم دنړیوالو او کورنیو مرستندویو ادارو له خوا وخت ناوخت مرستې کېږي.