د کندهار د کرنې رئیس وايي، د دغه ولایت په دوو دامان او ډنډ ولسوالیو د چرګانو دوه لوی فارمونه جوړ شوي دي.
سید حفیظ الله سیدي نن ازادي راډيو ته وویل چې دغه فارمونه د کرنې وزارت او خصوصي سکټور په مالي ملاتړ جوړ شوي.
د افغانستان د کرنې او مالدارۍ وزارت تردې وړاندې ویلي چې د چرګانو د صنعت د ودې او ساتنې په هدف سږ کال د هېواد په کچه ۱۸۶ د غوښنو چرګانو لوی او واړه فارمونه جوړېږي.
نوموړي وویل، د چرګانو فارمونه په افغانستان کې ښه نتیجه ورکړې او له دې وروسته دوی غواړي د پاکستان له غوښنو چرګانو او هګیو څخه استفاده ونه کړي.