په کابل پوهنتون کې د ادبیاتو د څانګې پخوانی استاد سید خلیلالله هاشمیان د ورپېښې ناروغۍ له کبله ومړ.
ډاکتر هاشمیان پرون چهارشنبه سهار په امریکا کې ساه ورکړه.
نوموړي په جلاوطنۍ کې د افغانستان هېندارې مجلې په تأسیس سره د زرګونه جلا وطنو افغانانو هیلې منعکسې کړې.
ډاکتر هاشمیان یو پیاوړی افغان لیکوال و چې با ارزښته اثار یې پرېښودل.
ازادي راډیو د استاد هاشمیان مړینه د افغانستان د فرهنګي ټولنې لپاره یوه ستره ضایعه بولي.