د خوست ولایت چارواکي وايي چې پرون د چهارشنبې «۱۳۹۷ کال د غبرګولي ۱۶» ورځې مازدیګر د اسماعیلخېلو او مندوزیو ولسوالۍ د للمې کلي د جومات پر لمونځ کوونکو نامعلومو وسلهوالو برید کړی چې څلور کسان پهکې وژل شوي او درې نور ټپیان شوي دي.
د خوست د والي ویاند طالب منګل ازادي راډیو ته وویل چې وژل شوي او ټپیان ټول ملکي وګړي دي او حکومتي دندې نهلري.
طالب منګل وویل چې تر اوسه د بریدګرو هدف نهدی څرګند شوی، خو د پېښې په اړه د کشفي ادارو لهخوا په سیمه کې پلټنې پیل شوې دي.
دا په داسې حال کې ده چې څو ورځې مخکې د یادې ولسوالۍ د سلیم کلي د نوملیکنې د مرکز پر ساتونکو هم وسلهوالو برید کړی وو چې د یاد مرکز دوه تنه ساتونکي پهکې وژل شوي وو.
تر اوسه کومې وسلهوالې ډلې د برید مسؤلیت نهدی منلی.