د ارزګان د دهراود ولسوالۍ په انارجوی سیمه کي افغان کمانډو ځواکونو ځانګړي عملیات کړي چې پر مهال یې د ملا جهاد په نوم د طالب قوماندان ۸ ملګري وژل شوي دي.
د ۲۰۵ اتل قول اردو مرستیال ویاند صادق عیسی نن دوشنبه ازادي راډيو ته وویل، دغه عملیات تېره شپه ترسره شوي دي.
نوموړی د یو بل خبر له مخې وايي، مرکز ترینکوټ کې د افغان هوايي ځواک بریدونو ۱۱ وسله وال مخالفین وژلي او ۲ نور یې ټپیان کړي دي.
دغو بریدونو د وسله والو طالبانو دوه مهم پټنځایونه هم له منځه وړي دي.
وسله والو طالبانو تر اوسه په دې اړه څه نه دي ویلي.