هند وايي، پر ایران او ونزوئلا د امریکا له بندیزونو سره سره به له دې دواړو هېوادونو سره خپلې سوداګرۍ ته دوام ورکړي.
دا خبره د هند د بهرنیو چارو وزیرې سوشما سواراج پرون دوشنبه وکړه او ویېویل چې د نوې ډېلي بهرنۍ پالېسي یوازې د ملګرو ملتونو لهخوا لګول شویو بندیزونو ته درناوی کول دي، نه د هېوادونو لهخوا.
نوموړې وویل، هند خپله بهرنۍ تګلاره د نورو د فشارونو له مخې نهجوړوي.
هند دا مهال د ایران د تېلو ستر واردوونکی هېواد دی.
سوشما سواراج دا څرګندونې له خپل ایراني سیال جواد ظریف سره چې نوې ډېلي ته تللی، تر کتنې مخکې وکړې.
امریکا له ایران سره د ۲۰۱۵ میلادي کال له اټمي موافقې تر وتلو وروسته ګواښ کړی دی چې پر تهران به سخت بندیزونه ولګوي.