د افغانستان د اطلاعاتو او فرهنګ وزارت له ټولو رسنیو وغوښتل چې خپلې پاتې مالیې د دولت خزانې ته تحویل کړي.
د اطلاعاتو او فرهنګ او د مالیې وزارتونو او د اترا ادارې چارواکو نن دوشنبه په کابل کې په یوه خبري غونډه کې د رسنیو استازو ته په دې اړه معلومات ورکړل.
د اطلاعاتو او فرهنګ وزارت ویاند صابر مهمند وویل:
"نننۍ غونډه د همدې هدف لپاره جوړه شوې چې رسنیو ته معلومات ورکړو چې په دوو میاشتو او څو ورځو کې اصلي مالیه او د هغې جریمه تحویل کړي."
د ښاغلي مهمند په وینا، که رسنۍ له دې کاره ډډه وکړي قانوني چلند به ورسره وشي.
د ولسمشر لهخوا د ثور د میاشتې د نهمې د حکم له مخې، رسنیو ته درې میاشتې وخت ورکړل شوی چې خپلې مالیې تحویل کړي.