د هلمند چارواکي وایي چې د دې ولايت په نادعلي ولسوالۍ کې نن یکشنبې «۱۳۹۷ کال د غبرګولي ۰۶» د ملي اردو یوې اډې ته څېرمه په یوه ځان وژونکي حمله کې څو سرتېرو ته مرګ ژوبله وا وښته.
د هلمند د والي ویاند عمر ځواک د دغې پېښې په اړه ازادي راډیو ته وویل:
"نن سهار اووه بجې شاوخوا د نادعلي ولسوالۍ په مربوطاتو کې حاجي شیرین جان څلورلاري ته څېرمه د ملي اردو یوه بېز ته نېژدې یوه ځانوژونکي د مازدا موټر په وسیله غوښتل چې دغې اډې ته ننوځي، خو مخکې په قراول کې ویشتل شوی او د چاودنې له امله د ملي اردو څلور تنه ټپیان شوي او دوه تنه هم په شهادت رسیدلي دي."
د هلمند د والي ویاند عمر ځواک
بل خوا یوه طالب ویاند قاري یوسف احمدي رسنیو ته په یوه استولي برښنا لیک کې ادعا کړې چې د نادعلي ولسوالۍ په انتحاري حمله کې یې د یو شمېر مهمو قوماندانو په ګډون ګڼ شمېر مړه او ژوبل کړي دي.
په نادعلي ولسوالۍ کې په اوس وخت کې د وسله والو پر ضد پوځي عملیات روان دي چې چارواکي یې بریالي بولي.
- پخواني معلومات
د هلمند ولايت په نادعلي ولسوالۍ کې نن ځانمرګی برید شوی دی. د هلمند د والي ویاند عمر ځواک ازادي راډیو ته وویل، دغه برید د نادعلي ولسوالۍ په شاول سیمه کې د ملي اردو پر سرتېرو شوی دی.
که څه هم ځواک یې د مرګ ژوبلې د دقيق شمېر په اړه څه ونه ويل، خو د ملي اردو یوې سرچینې د نوم نه ښودلو په شرط ازادي راډیو ته وویل، برید د موټر په واسطه د درېیمې لېوا پر اول کنډک شوى دى.
سرچينه وايي، په پېښه کې د ملي اردو ٢ سرتېري وژل شوي او ٤ تنه نور ټپيان شوي دي.
بل خوا یوه طالب ویاند قاري یوسف احمدي رسنیو ته په یوه استولي برښنا لیک کې ادعا کړې چې د نادعلي ولسوالۍ په انتحاري حمله کې یې د یو شمېر مهمو قوماندانو په ګډون ګڼ شمېر مړه او ژوبل کړي دي.
په نادعلي ولسوالۍ کې دم ګړۍ د وسله والو پر ضد پوځي عملیات روان دي چي ویل کېږي افغان ځواکونو په کې ښه پرمختګ کړی دی.
- پخواني معلومات
د هلمند ولایت په نادعلي ولسوالۍ کې ځانمرګی برید شوی دی.
د هلمند د والي ویاند عمر ځواک وایي، دغه ځانمرګی برید د نادعلي په شاول سیمه کې د ملي اردو پر سرتېرو شوی دی.
ځواک یې د دقیقو تلفاتو په اړه څه ونه ویل، خو د ملي اردو یوې سرچینې د نوم نه ښودلو په شرط ازادي راډیو ته وویل، برید د درېیمې لوا پر اول کنډک د موټر په واسطه شوی دی چې دوه د ملي اردو سرتېري یې وژلي او څلور نور ټپیان دي.
تر اوسه د دې برید پړه چا پر غاړه نه ده اخېستي.
په نادعلي کې دمګړۍ عملیات روان دي او ویل کېږي افغان ځواکونو پهکې ښه پرمختګ کړی دی.