د ملګرو ملتونو عمومي منشي له حزبالله ډلې چې د ایران نږدې متحده ده وغوښتل چې په لبنان، سوریه او د سیمې په نورو ځایونو کې پوځي فعالیتونه پای ته ورسوي.
د لوېدیځو رسنیو د راپورونو له مخې انتونیو ګوترش په هغه راپور کې چې تېره اوونۍ یې د ملګرو ملتونو امنت شورا ته استولی و، ویلي چې هغه پوځي وړتیا چې حزباللهیې د لبنان د حکومت له کنټروله بهر لري، د اندېښنې وړ ده.
ټاکل شوې چې امنیت شورا نن پنجشنبه «۱۳۹۷ کال د غبرګولي ۰۳» د ګوترش د دغه راپور په اړه بحث او خبرې وکړي.
د ملګرو ملتونو عمومي منشي له دغې وسلهوالې شیعه ډلې وغوښتل چې د ملګرو ملتونو د امنیت شورا د ۲۰۰۴ میلادي کال له پرېکړهلیک سره سم دې په لبنان کې دننه او له دې هېواده بهر له هر ډول پوځي فعالیتونو لاس واخلي.
ګوترش وویل، د سوریې په اووه کلنه کورنۍ جګړه کې د حزبالله ښکېلتیا دغهراز د طائف له تړونه چې د لبنان د ۱۹۷۵ او ۹۰ کلونو ترمنځ کورنۍ جګړې تهیې د پای ټکی کېښود هم سرغړونه ده.
هغه وویل، د لبنان حکومت باید حزبالله له دې منعه کړي چې د دولت له کنټروله بهر یو ملېشهیي ځواک جوړ کړي.