د غزې د روغتيا وزارت چارواکي وايي، نن دوشنبه د غزې په سرحدي سيمه کې د اسرائيل د پوځ په ډزو لږ تر لږه ۳۷ فلسطينيان وژل شوي دي.
د وزارت په حواله، په دغو مظاهرو کې لږ تر لږه ٥٠٠ نور کسان ټپيان شوي دي.
د حماس افراطي ډله چې له ٢٠٠٧ میلادي کال راهيسې پر غزې کنټرول لري، په وروستيو شپږو اوونيو کې د پيل شويو مظاهرو مشري کوي.
د دغو مظاهرو هدف د هغو قلمرونو د محاصرې ماتول دي چې اسرائيل نيولي دي.
دا په داسې حال کې ده چې د امريکا متحده ايالات په پام کې لري چې خپل سفارت په څو شېبو کې له تلابيب څخه بيتالمقدس ته ولېږدوي.
بلخوا د امريکا د خزانې وزير سټيفن منوچن پرون یکشنبه د اسرائيل د بهرنيو چارو وزارت له ودانۍ بهر وويل:
"د امريکا متحد ايالات تر اسرائيل بل ستر شريک نهلري."
د امريکا ولسمشر ډونالد ټرمپ د روان ميلادي کال په لومړيو کې ويلي وو چې واشنګټن وېشل شوى بيتالمقدس د اسرائيل د پلازمېنې په توګه په رسميت پېژني.
فلسطينيان غواړي چې ختيځ بيتالمقدس د دوى د راتلونکي دولت پلازمېنه وي.