د ایران د بهرنیو چارو وزیر جواد ظریف پیکنګ ته تللی څو د ۲۰۱۵ میلادي کال له اټمي موافقې څخه د امریکا د ولسمشر ډونالډ ټرمپ له وتلو وروسته له چینايي مشرانو سره وویني.
د چین د بهرنیو چارو وزارت نن یکشنبه وویل، جواد ظریف به د ایران د اټمي مسئلې پر انکشافاتو له اړوندو چینايي چارواکو سره د نظر تبادله وکړي.
د ایران د بهرنیو چارو وزارت یوه ویاند وویل چې ظریف به د روان سفر په دوام کې مسکو او بروکسل ته هم لاړ شي.