د بغلان والي تأییدوي چې طالبانو د تاله و برفک ولسوالۍ نیولې

د بغلان والي تأییدوي چې وسله‎والو طالبانو د دې ولایت تاله و برفک ولسوالۍ نیولې ده.

د دې ولایت والي عبد الحی نعمتي تېره شپه ازادي راډیو ته وویل، تاله و برفک دا شېبه د طالبانو تر کنټرول لاندې ده.

د بغلان له والي سره مرکه

ښاغلي نعمتي وویل، د ولسوالۍ له امنیتي مقاماتو سره تماس پرې شوی او د امنیتي ځواکونو د مرګ‎ژوبلې په اړه هم کره معلومات نه‎لري.

د بغلان تاله و برفک ولسوالۍ چې د دې ولایت له دوشي ولسوالۍ او سمنګان او بامیان ولایتونو سره پر پوله پرته ده، ستراتېژیک موقعیت لري.