هند د کاپیسا د باغ درې او د کابل د سروبي دوهم بند جوړېدو ته لېوالتیا ښکاره کړې ده.
د افغانستان د اوبو او انرژۍ وزارت د عامه اړیکو رئیس اصف غفوري په کابل کې رسنیو ته وویل چې هند پهخپله د دغو دوو بندونو د جوړېدو وړاندیز کړی دی، خو تر اوسه د دې پانګونو جزئیات نهدي ورکړل شوي.
د باغ درې بند د پنجشیر او غوربند پر سیندونو پروت دی چې ویل کېږي د درې سوه مېګا واټه برښنا ظرفیت به ولري.
د سروبي دوهم بند بیا د اټکل له مخې د نږدې ۱۰۰ مېګا واټه برښنا د تولید توان لري.
هند تر دې مخکې په هرات کې د درې سوه میلیونه ډالرو په لګښت د سلما بند جوړ کړ.