د امریکا د بهرنیو چارو وزارت وايي، د سوريې د خبري اژانسونو په دې راپور باور نهلري چې وايي، د نړیوالو پلټونکو ټیم دوما ښار ته داخل شوی دی.
امریکا وايي، اندېښنه لري چې دوما ښار ته د کیمیاوي وسلو د استعمال د مخنیوي د سازمان د پلټونکو تر رسېدو دغلته د کیمیاوي برید شواهد لهمنځه وړل کېږي.
تر دې مخکې د سوريې دولتي رسنیو خبر ورکړ چې د کیمیاوي وسلو د استعمال د مخنیوي د سازمان پلټونکي د دې هېواد دوما ښار ته داخل شوي دي.
دوما د سوريې هغه سیمه ده چې پهدې وروستیو کې پهکې د مشکوک کیمیاوي برید له امله د روسيې او لوېدیځ ترمنځ اړیکې بحراني شوي.
بل لور ته د جرمني صدراعظمې انګلا مېرکل ویلي، سره لهدې چې مسکو د سوريې له رژیم سره په ګډه مسؤله ده، خو د ارتباطاتو په هدفيې د روسيې له ولسمشر سره تماس پر ځای ساتلی دی.
مېرکل او پوتین دواړو په سوریه کې د کیمیاوي ګاز د استعمال په اړه د رښتینې پلټنې غوښتنه کړې ده.
روسیه او د سوريې حکومت دواړه ټینګار کوي چې په دوما ښار کې يې کیمیاوي برید نهدی کړی.