لسګونه زره کسان پرون ناوخته د ارمنستان په پایتخت ایروان کې راغونډ شول او د صدراعظم په توګهيې د سرژ سرکیسیان د ټاکل کېدو پر ضد مظاهره وکړه.
دا اعتراض وروسته تر هغې پیل شو چې د ارمنستان د پارلمان ۷۶ غړو د ۱۷ وکیلانو د منفي رأیو په مقابل کې سرکیسیان صدراعظم منتخب کړ.
سرژ سرکیسیان تر دې مخکې د ارمنستان ولسمشر و او یوازې اته ورځې وړاندې يې د جمهور رئیس په توګه د واک موده پای ته ورسېده.
مظاهره کوونکو د ارمنستان بیرغونه پورته کړي وو چې پرې لیکل شوي وو:
"له سرکیسیان پرته ارمنیا غواړوو."
د مظاهرهچیانو مشر نیکول پاشینیان د ارمنستان د خلکو سولهییز انقلاب اعلان کړ او سرکیسیانيې تورن کړ چې مشروعیت نهلري او د هېواد خلک ترې کرکه کوي.
د ارمنستان په یو شمېر نورو ښارونو کې هم د منتخب صدراعظم سرژ سرکیسیان پر ضد اعتراضونه شوي دي.